Ni Mark Harvey Elloren
Nagmaya ang Initao District sa ilang pagkadaog sa Archdiocesan Family Bible Quiz niadtong Oktobre 16, 2010 didto sa Lourdes College Auditorium, Cagayan de Oro City. Gipildi sa Abaday Family ug Plaga Family nga gikan sa Initao District ang napulo ka pamilya nga gikan sa laing distrito sa arkidiyosesis.
Ang Bible Quiz usa ka programa sa Archdiocesan Bible Apostolate nga gipangulohan ni Fr. Michael Fabello. Inabagan kini sa Episcopal Biblical Apostolate team nga gikan pa sa Manila ug maoy nagbuhat sa mga pangutana alang sa Bible Quiz. Sila gipangulohan ni Fr. Paul Marquez, SSP, editor sa Sambuhay ug manunulat sa CBCP Monitor.
Ang Quiz may lima ka rawon ug sa usa ka rawon may napulo ka mga pangutana nga gikan gayod sa Bibliya.
May walo ka eskwelahang Katoliko ang niapil sa maong Biblle Quiz. Sa High School Level Competition, migawas ang unang mananaog, ang St. Mary’s School sa Aluba, Macasandig. Gisundan kini sa St. Joseph Academy sa El Salvador ug sunod ang Lourdes College High School.
Si Fr. Fabello nagaiingon na ang Bible Quiz sa High School level makatabang sa pagsuta sa kapasidad sa mga tunghaan sa ilang Katolikanhong edukasyon. Si Fr. Perseus Cabunoc, SSJV, ang Ad Intra Coordinator, nagaiingon nga usa ka “encouragement” ang Bible Quiz sa mga batan-on sa pagbasa sa Balaan nga Kasulatan. Si Fr. Eddie V. Magtrayo, Catechtical Director, nagaingon, “Ignorance of the Bible is ignorance of Christ.” Mao kini ang tumong sa Bible Quiz; alang pagpaila kang Kristo ug kalambigitan sa Bibliya sa Kristohanonong kinabuhi.
Subscribe to:
Post Comments (Atom)
No comments:
Post a Comment