Nasudnong panagtagbo sa mga directors ug coordinators sa mga katekista

Ni Sr. Josie Alabado, TMM

Mikabat sa kapin kon kulang usa ka gatos ug kawaloan ug lima (185) ka mga deligado nga mga Archdiocesan Directors ug Coordinators ang mitambong sa gipahigayon nga panagtagbo didto sa Archdiocesan Lay Formation Center sa Archdiocese sa Lingayen-Dagupan niadtong Hulyo 12-15, 2010. Matag tuig kausa kini mahitabo nga gipasiugdahan sa Episcopal Commission on Catechesis and Catholic Education (ECCCE) nga gipangulohan ni Bishop Soc Villegas,  ECCE Chairman uban usab ni Sr. Jesusa Enginco, OP.

Duha ka mga deligado gikan dinhi sa atong arkidiyosesis and mitambong sila si Rev. Fr. Michael Fabello, Assistant Catechetical Director ug si Sr. Josie Alabado, TMM Coordinator. Sila nagrepresentar sa atong arkidiyosesis. Ang tema sa panagtabo karong tuiga mao ang “Catechesis by the family, with the family and for the family.” Adunay giimbitar nga mga mamumulong aron sa pagpahayag ug pagpaambit sa tema kon unsa ka importante ang pamilya sa trabaho sa ebanghelisasyon. Ang mga speakers adunay mga pari, mga miembro sa couples for Christ, gikan usab sa grupo sa Consecration of the Family Apostolate. Sa katapusang adlaw nagpahigayon ang tigdumala mga arkidiyosesis og travel tour sa Hundred Islands.