Bag-ong tuig tingtungha sa SJVTS gibuksan sa Santos nga Misa

Ang mga gasa sa Espiritu Santo  may dakong kalambigitan sa kinabuhi sa mga seminarista. Mao kini ang taho sa Misa sa Espiritu Santo ni Arsobispo Antonio Ledesma sa mga seminarista sa St. John VianneyTheological Seminary niadtong Hunyo 25, 2010. Ang Misa sa Espiritu Santo maoy “official” nga pag-abri sa tunghaan 2010-2011 ug pag-ilaila sa mga tig-umol, seminarista, ug tanang lumilihok sa seminaryo sa kanhng Obispo.

Gi abi-abi ni Arsobispo Ledesma ang bag-ong rector sa seminaryo nga si Rev. Fr. Celerino Reyes, S.J.  May bag-o usab nga mga tig-umol sa mga seminarista nga mao sila: Rev. Fr. Demlie Valmores ug si Rev. Fr. Julius Clavero sa Arkidiosesis sa Cagayan de Oro. May siyam ka mga pari ug usa ka laygo nga moumol sa mga seminarista ug modumala sa seminaryo.

Karong ika 25 ka tuig sukad natukod ang seminaryo dunay 58 ka mga seminarista sa Vianney: Cagayan de Oro 8; Butuan 11; Dipolog 2; Tagum 6; Malaybalay 11; Tagbilaran 6; Talibon 3; Iligan 3; Cotabato 2 ug Tandag 6.

Gipasabut sa Arsobispo nga ang lihok sa Espirito Santo dili lang paghiusa sa tibuok simbahan kondili mao usab ang paghatag sa kusog ug paggiya sa lokal nga simbahan.