Paglaum sa mga gagmayng mag-uuma miabot na

Sustainable Agriculture Ministry

Miabot na ang pagla-um sa mga gagmayng mag-uuma pinaagi sa usa ka proyekto nga gipangayo sa mahal nga Arsobispo Antonio Ledesma. Ang proyekto mao ang ‘Bridging Claveria Small Farmers to Jollibee Supply Chain’ nga gitagana sa Catholic Relief Services (CRS) ug gidumala sa Sustainable Agriculture Ministry (SAM) Team nga gipangulohan ni Rev. Fr. Rene D. Soldevilla.

Ang ‘Memorandum of Agreement’ gi-lagdaan niadtong Hunyo 15, 2010 sa atong Arsobispo ug sa pangulo sa CRS, ug ang unang tigum gihimo sa Hunyo 29, 2010 aron sa pag-hapsay sa mga gimbuhaton uban sa CRS Mindanao nga gi representahan ni G. Randy Paler.
Ang mga opisyales sa proyekto mao sila si: Rev. Fr. Rene d. Soldevilla – Project Supervisor, Nelson Tomonglay (lumad sa Claveria) – Project Coordinator ug Famela Rivera – Finance/Administrative Officer.

Ang tumong sa proyekto mao ang pag-sanay sa gilantaw nga 100 ka mga gagmayng mag-uuma aron sa pagtanum sa sibuyas bombay nga gikinahanglan sa Jollibee Food Chain ug usab sa local nga merkado dinhi sa Mindanao, aron ilang kahimtang moharuharay nga mao usab ang panglantaw sa SAM.

Usa ka pagtu-on ang gipahigayon sa unang napulo’g pito (17) ka mga mag-uuma niadtong Hulyo 28, 2010 sa taga CRS ug usab sa mga gilantaw nga tumatabang sa pag-palambo sa proyekto niadtong Hulyo 29, 2010. Ang maong pagtu-on giubanan sa mga NGOs, Academe, LGUs ug GAs nga gitawag ug ‘Site Working Group’ (SWG).

Tungod niini, adunay usa ka ‘Field Study Tour’ nga gihimo niadtong Agosto 17, 2010 didto sa Impasug-ong, Bukidnon aron masinati sa mga mag-uuma, SWG ug SAM Team sa mga paagi sa ug kahapsay kabahin sa proyekto nga gisugdan sa Kaanib Foundation – local NGO partner sa CRS nga nagalihok sa Impasug-ong.

Sa tigum sa Ad-Extra Ministry, miingon si Rev. Fr. Rene Soldevila nga kining proyekto sa Arsobispo, dako kaayong makatabang dili lamang sa mga gagmayng mag-uuma sa lungsod sa Claveria, kon dili sa tanang mag-uuma sa probinsya sa Misamis Oriental.
Matud pa ni Rev. Fr. Rene D. Soldevilla, nga adunay dakong pag-pasundayag o ‘launching’ sa proyekto sa umaabot nga bulan, pagkahuman sa usa ka ‘demo farm’ nga gi-tukod diha sa hawanan sa parokya sa Our Lady of Lourdes Parish sa Claveria. Kining dakong pag-pasundayag tambungan sa mga opisyales sa simbahan nga pangulohan sa atong mahal nga Arsobispo, Msgr. Antonio Ledesma ug mga opisyales sa CRS sa kaulohan ug sa Mindanao.

Ang Pagkakabig ni San Agustin: sumbanan sa atong kaugalingon ug katilingbanong pagkakabig

(homiliya ni Padre Boy Salvador, atol sa Misa Concelebrada sa Katedral sa Pangilin ni San Agustin,  Aug. 28, 2010)

Sa tuig 1986, ang Simbahan misaulog sa ika-napulo’g unom nga centenaryo sa conversion o pagkakabig ni San Agustin. Sa maong tuiga, si Papa Juan Pablo II mihimo og sulat apostoliko Augustinum Hipponensem. Nahinuklog ako sa pagkaamgo nga sa mao gihapong tuiga 1986, kami nila ni Fr. Raul Sesante ug Msgr. Lolong Isnani naordinahan nga mga pari. Ang maong tuiga gihapon, mahinumduman ninyo, ang tuig sa makasaysayanon ug malinawon nga “Rebolusyon sa EDSA”  nga nakausab sa panagway sa Pilipinas. Ang pagkatakdo sa maong mga panghitabo sa usa lang ka tuig daw nagpaamgo kanato nga kon kita, isip mga sumusunod ni Cristo (isip pari ug laygo) ug isip usa ka katawhan, kon kita buot  ni-anang  malungtaron nga kalinaw ug lawom nga kalipay, kinahanglan nga suhiron nato ang susamang dalan sa conversion  nga gilaktan ni San Agustin, atong “Dakung Amahan”.

Image of Our Lady of Fatima from Portugal visits Cagayan de Oro

By Mary Anne Padilla, FSP

The International Pilgrim Statue of the Our Lady of Fatima from Portugal arrived in the Philippines last June 30, 2010.  It was brought to the Archdiocese of Cagayan de Oro last August 11 for the devotees to get close, view and pray to the miraculous image. The image visited St. Augustine Cathedral, San Antonio Parish, Our Lady of Fatima Church in Camaman-an, Jesus Nazareno Parish, Consolacion Chaplaincy, Holy Rosary Parish in Agusan, Sta. Maria de la Candelaria Parish in Tagoloan, Nuestra Señora de Guadalupe Parish in Villanueva, Our Lady of Mount Carmel, and Immaculate Conception Parish in Bulua.

The image also visited other Dioceses in Mindanao such as Tandag, Malaybalay and Iligan. The image has also crossed the Dioceses of Dipolog, Cebu, Dumaguete and the whole of Eastern and Central Visayas.  The Pilgrim Visitation started in July 1, 2010 in the Dioceses of Paranaque, Cubao, and the northern parts of Luzon.

The objectives of the visit besides spreading the message of Fatima are: 1. To encourage other Dioceses to start organizing World Apostolate of Fatima - WAF especially in Mindanao 2. To present WAF’s proposed program in each parish and dioceses they visited. Part of their program is to give orientation to the viewing and praying public about the message of Our Lady of Fatima, the reason why the image goes on pilgrim visitation.

Mr. Vincent Aranas, President of the WAF Ecclesiastical Province of Manila, Nida Ruiz, WAF-Pilgrim Visitation head, and the Society of the Angels of Peace in coordination with Msgr. Tex Legitimas, PC, director for youth and adult WAF-CDO and Ms. Mila Mercado. president WAF-CDO organized the visit of Our Lady of Fatima in Cagayan de Oro.

262nd Death Anniversary of Venerable Ignacia del Espiritu Santo

By Edorni Betita

The Mother Ignacia Movement of Northern Mindanao Region conducted “Ignacian Conferences” on August 22, 2010, from 8:30am to 4:00 pm at St. Mary’s Academy Gymnasium, Carmen to commemorate the 262nd Death Anniversary of Ven. Ignacia del Espiritu Santo, foundress of the Religious of the Virgin Mary (RVM) with the theme “Treasuring the Ignacian Legacy.”

The conference was participated by 692 parishioners and students from Labason, Zamboanga del Norte and  Gingoog City, as well as Mother Ignacia Movement units from Bukidnon and Cagayan de Oro City. Forty two RVM sisters also joined the activity.

The first talk was on “ Ignacian choices for Today’s Youth” given by Fr. Raul Dael. He emphasized that Mother Ignacia’s act of disobeying her parents because she was listening to God’s call in her life was not disobedience. He challenged  the youth, stating that attending Mass or performing one’s duties may not seem pleasant at first but its impact will be felt when they mature. Fr. Raul passionately shared how the RVM influenced his vocation and those of other diocesan priests who were graduates of RVM schools in Misamis Oriental. The second talk was on Ignacian Courage for Today’s Woman, given by Maria Teresa Echavez, M.D. The talk focused on upholding one’s chastity and that sex will only be expressed in marriage. She challenged the youth to protect and uphold life. The third talk was on Ignacian Faith for Today’s Family given by S. Ma. Lucia G. Lucine, RVM. She stressed the role of the family as the seed bed of faith. More so, the need for the family to be intact. For children, love means time and presence of their parents not provision of material things.

The activity concluded with a Eucharistic Celebration officiated by Fr. Gil  G. Escalante.

ECID nagpatawag sa Catholic Peacebuilding Workshop sa CDO

Ni Lorena Dagatan

Ang Episcopal Commission on Inter-religious Dialogue kon ECID sa Catholic Bishop’s Conference sa Pilipinas (CBCP) mipahigayon sa gitawag nga Peacebuilding ug Reconciliation Workshop didto sa Country Village Hotel ning siyudad sa Cagayan de Oro niadtong Agosto 11 ngadto sa 13, 2010.  Ang maong workshop misagop sa tema nga “Enhancing the study and practice of Catholic peacebuilding in Mindanao”  nga kon badbaron sa binisaya magkanayon:  “Ang Pagpalambo sa pagtuon ug kasinatian sa pagpatunhay sa kalinaw sa Mindanaw”.  Ang maong Workshop gitambongan sa kap-atan ug pito (47) ka mga partisipante gikan sa mga Diyosises sa Iligan, Malaybalay, Marawi, Pagadian ug sa Arkidiyosises sa Cagayan de Oro.  Miabag sa panaghisgot-hisgot mao sila si Rev. Fr. Bob  Schreiter, S.J., ug si R. Scott Appleby, Ph.D., sa Catholic Peacebuilding Network kon CPN sa Unibersidad sa Notre Dame, Indiana, U.S.A. Didto usab sa maong panagtigum ang representante sa ECID ug sa Catholic Relief Services kon CRS.

Ang mga partesipante sa maong panagtigum gibahin sa tulo ka grupo.  Sa unang adlaw, ang hisgutanan  nakatutok sa atong mga biases mahitungod sa mga muslims, ang atong kasaysayan sa Mindanaw ug ang mga pamaagi aron makab-ut ang pag-inilhanay ug pagsinabtanay dili lamang diha sa tagsa-tagsa ka kaugalingong katilingban kon dili diha usab sa atong relasyon sa mga kauban natong mga muslim.  Sa ikaduhang adlaw, adunay gipasundayag ang mga tigpasi-ugda sa workshop nga usa ka salida nga nag-ulohan ug, “The Imam and the Pastor”.  Pagkahuman sa among salida, gi-aghat  ang tagsa-tagsa ka mga miyembro sa matag grupo sa pagpahayag sa ilang mga hunahuna mahitungod sa tema nga gihanyag sa maong salida.  Sa ika-tulo ug katapusang adlaw,  gituki sa mga partesipante ang mga hagit ug mga tumong ug tinguha sa pagmugna sa kalinaw.  Ang mga tumong ug tinguha nga nakita  naglangkub sa pagkutay-kutay sa susamang mga tinguha ug mga buluhaton kon networking  kauban sa nagkalain-laing mga simbahan, pagpahigayon sa tinuig nga hiniusang panagtigum, ug pagpangita ug igong  panalaping suporta alang sa mga umaabot pa nga mga susamang panagtigum ug panahisgot-hisgot.

“Sa akong pagpaminaw sa mga partesipante sa lima ka mga Diyosises, akong nakita nga ang Simbahan nakapahimutang na sa pundasyon  sa pagmugna sa  kalinaw.”  Kini ang pamahayag ni Fr. Schreiter nga midasun usab pagsugyot sa makakunayong edukasyon isip usa ka importanteng solusyon sa problema sa kalinaw sa Mindanaw.  Sa iyang kabahin si Dr. Appleby  mi-aghat sa paglantaw sa nagkalain-laing pamaagi sa pagpahiluna sa kalinaw, ilabi na kadtong pamaagi nga nakita nga adunay kaayohan nga matataw.   Gipangusgan  usab ni Dr. Appleby ang pagpasabot sa kahinungdanon sa  “evaluation”  aron masuta kon asa na taman ang mga nahimo na.

Ang atong Arsobispo sa Cag. De Oro, si  Most Rev. Antonio J. Ledesma, D.D.  mipadayag sa iyang pasalamat sa lima ka mga Diyosises nga mitambong sa maong panagtigum, ug mi-aghat sa mga partesipante sa pagpadayon sa ilang mga buluhaton tali sa pagpatunhay sa kalinaw dinhi sa Mindanaw.

May mga 19 ka mga partisipante sa atong arkidiyosesis ang niapil sa maong workshop. Mao sila Abp. Antonio J. Ledesma, S.J., Fr. Nathaniel Lerio, Fr. Perseus Cabunoc, Fr. Remel Mag-usara, Fr. Raul Dael, Fr. Othelo Polinar, Fr. Roy Barros, Msgr. Rey Monsanto, Sr. Josephine Alabado, TMM, Sr. Mary Anne Padilla, FSP, Jocelyn Acierto, Ingrid Daba, Anna Leah PIelago, Maristela Camaddo, Dr. Benie Sy, Analyn Banguis, Sr. Grace Barcinas, DC, Fr. Florencio Salvador, ug si Alberto Fabe.

SJVTS nagsaulog sa ika-25 nga anibersaryo

Ni Mark Harvey Elloren

Gisaulog sa St. John Vianney Theological Seminary (SJVTS) ang ika-25 nga kasumaran sa pagkatukod niini. Ang kasaulogan gidungan sa tinuig nga Alumni Homecoming niadtong Augusto 23-25, 2010. Giaghat ni Obispo Antonio Ledesma ang 190 ka mga alumni nga niapil sa maong kasaulogan sa dakong pagpasalamat.

Sa 25 ka tuig, ang SJVTS nakapamunga ug 370 nga kaparian nga nag silbi sa nagkalain-lain nga diyosesis sa Mindanao ug Bohol. Saysentay sies nga  porsyento (66%) nga kaparian sa atong arkidiyosesis gikan sa maong seminaryo.

Sa unang gabii sa selebrasyon, si Rev. Fr. Celerino Reyes, SJ, ang bag-ong rector sa seminaryo, opisyal nga gidawat ang katungdanan isip rector ug nanaad sa sulod sa misa sa pag-atiman sa seminaryo. Ang installation gipangulohan ni Bp Ledesma uban sa tulo ka Obispo nga si Cardinal Gaudencio Rosales, Bp. Honesto Pacana, ug Bp. Jose Cabantan. Si Fr. Reyes inila na daan sa seminaryo tungod kay napili siya isip Vice-Rector niadtong 1991.

Sa unang higayon karong tuiga, ang seminaryo naghatag ug St. John Vianney Award (posthumously) sa tulo ka tawo  nga may dakong kalambigitan sa kinabuhi sa maong seminaryo. Ang mga awardees mao si Most Rev. Patrick Cronin, ang founder sa seminaryo; Rev. Fr. Giuseppe Raviolo, S.J., ang unang rector; ug si Madame Laureana Rosales, usa ka benefactor. Ang awards para kang Bp. Cronin gidawat ni Fr. Patrick O’Donoghue, Provincial Superior sa mga Columbans; kang Fr. Raviolo, si Rev. Fr. Jose Magadia, Provincial Superior sa Jesuits; ug kang Madame Rosales, si Mrs. Fe Juarez, iyang babaeng anak. Ang mga awardees natagaan usa ka estatuwa ni St. John Vianney nga gikulit ni Mr. Antonio Sescon, batikan nga mangungulit.

Paghuman sa awarding ceremony, gisunod dayon ang usa ka monologue nga gisulat ni Ameta Suarez-Tagochi, Palanca Awardee. Ang monologue kay pahinungod kang St. John Vianney, patron sa mga kura paroko. Gibidahan kini sa mga seminarista, mga formators ug mga seminary workers. Ang monologue kabahin sa pagkamaayo ni St. John Vianney ug kalabutan sa iyang kinabuhi sa atong modernong simbahan.

Sa ikaduhang adlaw, gipalawoman ang tema sa selebrasyon, “Rediscovering the essence of Ordained Priesthood through example of St. John Vianney,”  ni Most Rev. Gaudencio Rosales, Obispo sa Manila didto sa Grand Caprice Restaurant, Limketkai Center. Gitagaan niya ug pagpatin-aw ang tulo ka importante nga “klase sa hangin” nga maoy makatukmod sa parianong paglayag: mao ang Pulong sa Ginoo, ang Sakramento ug ang Gugma.

Si Bp. Jose Cabantan, Obispo sa Malaybalay ug usa ka alumnus sa seminaryo, gaingon sa iyang homiliya na angay ang alumni nga mga pari mobalik ug  magpasalamat sa seminaryo tungod kini nahimong “seedbed” sa ilang bokasyon. Si Bp. Cabantan, sa batch sa “Unang Bunga,” ang unang produkto nga nahimong Obispo sa seminaryo.

Sa iyang Rector’s time sa katapusang adlaw, si Fr. Celerino Reyes nagpahayag sa atubangan sa mga alumni na ang seminaryo nagkinahanglan ug P150 million nga Trust Fund para malungtaron ang pagpadagan niini. Sa kadugayon na sa seminaryo, may mga gambalay nga angay usbon. Nagplano usab ug pag-ayo sa library. Iyang sugyot sa mga alumni na unta makatigum ang usa ka batch ug P1 million para sa seminaryo. Mangita lang ang usa ka alumnus ug 50 ka pamilya sa ilang parokya nga makacontribute ug P1000 para makatigum ug P50,000. Kini dako na ug tabang sa kaugmaon sa seminaryo ug sa mga seminarista.

Ang SJVTS usa ka tunghaan sa teolohiya nga natukod niadtong 1985 una didto sa Manresa. Sa sunod tuig 1986 nabalhin kini sa Camaman-an, Cagayan de Oro City. Gitukod kini sa mga Obispo sa CABUSTAM uban sa giya sa mga Heswita nga maoy nagdumala sa seminaryo ug nagporma sa mga parionon nga nangalagad sa mga diyosesis sa Mindanao ug Bohol. Ang seminaryo gitukod alang tubag sa dinalian nga kinahanglanon sa  Mindanao sama sa “Interreligious Dialogue."

Karong tuiga may 80 ka seminarista ang SJVTS.